Инженерлік сала бойынша техникалық және кәсіптік, орта білімнен кейінгі білім беру ұйымдарының педагогтері арасындағы республикалық кәсіптік шеберлік конкурсы
2024 жылғы 05-06 желтоқсанда Қарағанды машина жасау колледжінің базасында инженерлік сала бойынша техникалық және кәсіптік, орта білімнен кейінгі білім беру ұйымдарының педагогтері арасында республикалық кәсіби шеберлік конкурсы өтті.
Конкурсқа Қазақстанның 10 өңірінен үздік педагогтер қатысып, кәсіби шеберліктің жоғары деңгейін көрсетті.
Байқау бағдарламасы 5 модульден тұрды және инженерлік пәндерді оқытудағы білім мен дағдыларға арналған теориялық тапсырмаларды, сондай-ақ педагогтердің нақты білім беру жағдайында кәсіби дағдыларды қолдану қабілетін тексеруге арналған тапсырмаларды қамтыды. Қатысушылар сандық бағдарламалық басқарылатын станоктарда Worldskills стандарттары бойынша фигура жасауды бағдарламалады, қауіпсіздік техникасы бойынша ситуациялық міндеттерді шешті, техникалық тапсырма бойынша графикалық редакторда сызба құрастырды.
Конкурс білім беру саласындағы маңызды оқиға болды, үздік педагогикалық практикалармен алмасуға және инженерлік салада оқытудың заманауи әдістерін енгізуге ықпал етті.
Іс-шараға Қарағанды облысының инженерлік саласы бойынша жетекші кәсіпорындарының: «Maker (Мейкер)» ЖШС, «Құрылысмет» ЖШС, «Қарағанды турбомеханикалық зауыты» ЖШС, «Қазполимер» ЖШС өкілдері, сондай-ақ техникалық және кәсіптік білім беру ардагерлері қатысты.
Орындалған тапсырмаларды бағалауды колледждің әлеуметтік серіктестері қатарынан тәуелсіз сарапшылар жүргізді. Бағалау қорытындысы бойынша конкурстың үш жүлдегері анықталды:
1 орын - Толганай Жанибек, Қарағанды машина жасау колледжінің өндірістік оқыту шебері;
2 орын - Поляков Николай Владимирович, Көкшетау жоғары техникалық колледжінің оқытушысы;
3 орын - Тыныштыбаев Берик Аскарулы, Жамбыл жоғары политехникалық колледжінің оқытушысы.
Байқау жеңімпаздарын құттықтаймыз! Барлық қатысушыларға одан әрі кәсіби жетілдірілуді тілейміз.
